【網絡熱話】23歲學生欠債$30萬月還8000元呻不想破產網民教路

親子

發布時間： 2023/08/24 13:05

熱門破·地獄超市大搜查貝依霖名校專區糖尿病靚媽精明眼藥物百科高才通北上攻略會員有獎

▲ 23歲半工讀男學生，欠債$30萬，每個月還$8000，搵埋都唔夠還，又唔想俾屋企人知，所以上網徵詢網民意見！

銀行信貸廣告的slogan「借定唔借？還得到先好借！」，但銀行借錢渠道容易，甚至信用卡批核更易，不少人陷「一卡在身，債務纏身」！有23歲男學生日前上網呻，自爆欠債30萬，每月還$8,000，就算半工讀都唔夠還債，他不想破產又不想讓家人知道，陷入困境的他，惟有上網求助盼網民教路！

最新影片推介：

該23歲男學生近日在連登討論區以「23歲學生欠債30萬，唔想破產可以點部署」為題發帖，稱自己目前是學生，上午讀書，下午放學後做兼職，每月要還$8,000，

part-time根本唔夠還，唔想俾屋企人知，除咗老破（破產）仲有咩方法？

貼文掀起熱議，網民紛紛留言，驚嘆學生怎能欠下30萬，質疑銀行批核的限額過高，「依家D銀行好差，學生都照批30萬限額信用卡、就算申請時得1-3萬、UPUP下就UP到30幾萬都有」、「批卡間嘢都幾冇良心」、「學生信用額大，真係一個問題，外國分分鐘告到唔使還，明知無收入，借咁多俾人」、「唔好話學生，返pt得8000，一個正常人正職月入2-3萬，幾年都冇可能加到30萬信用卡啦」、「怪銀行？你無自制能力學咩人申請信用卡呀」。

搵屋企人幫手

有過內人的網民，則分享還債經驗，但也勸樓主要向家人坦承，「我學生個陣借到50萬，而家仲努力緊還錢俾家人，勸樓主一句，同屋企人講啦，家人永遠都係會幫你」、「俾屋企人知最多都係鬧兩句，為30萬破產有無咁傻呀」、「30萬好少，慢慢還，最戇居就係卡數還 min pay，千其唔好，寫封信去銀行傾分期，寫得慘啲（講到自殺咁），同佢講低息，有咁長拖咁長還。(我試過，結果俾我分期8年先還)。」

也有不少網民提議年輕的樓主申請破產，「破啦，4年後又係一條好漢」、「越早破產越著數，最好18歲就借幾球，賭贏就還錢，輸就老破，4年之後畢業又可以賭多次」，也有網民反對樓主申請破產，「老破對你一世都有影響。捱完五年你都仲係身家清白，但你一老破過，就算你第日搵到錢都難買樓或借錢周轉難」。

點擊下圖，睇更多留言：

▼點擊圖片放大